Кызыл балык бик күп файдалы үзенчәлекләргә ия. Диетолог-эндокринолог Наталья Лазуренко “Вечерняя Москва” хәбәрчесенә сөйләп үткәнчә, бу продукт җитди авыруларны кисәтүгә ярдәм итә.
Кызыл балыкта файдалы майлар – омега-3 күп. Май кислоталары организмга көч-энергия өсти. Шулай ук ялкынсынуны киметә. Ә ялкынсынуның күп кенә чирләргә, әйтик, симерү, атеросклероз һәм остеопорозга китерүе беркемгә дә сер түгел. Омега-3 мондый чирләр куркынычын киметә”, – дип аңлаткан Лазуренко.
Табиб билгеләп үткәнчә, омега-3 организмнан токсиннар һәм метаболитлар чыгарырга ярдәм итә. “Кызыл балыктагы аксым бик җиңел үзләштерелә һәм аминокислоталарның тиз пәйда булуына ярдәм итә. Ә алар гормоннар, фермент, эчәк һәм бавыр күзәнәкләре өчен төзелеш материалы булып тора”, – дип өстәгән диетолог.
Шулай да, табиб кисәтеп әйткәнчә, кызыл балыкны чамадан тыш күп ашау зыянлы, чөнки сару кайнауга һәм авызда әче тәм пәйда булуга китерергә мөмкин.
