Россия Хәрби көчләренең Генераль штабы мобилизациянең икенче дулкыны булу-булмауга ачыклык кертте. Генераль штабның оештыру-мобилизация баш идарәсе җитәкчесе, контр-адмирал Владимир Цимлянский белдерүенчә, кабат мобилизация игълан итүнең кирәге юк – үз теләге белән киткән һәм чакырылган хәрбиләрнең саны җитәрлек. Бу хакта ТАСС хәбәр итә.
«Генераль штаб мобилизациянең икенче дулкынын уздырырга җыенмый – моны мин ышандырып әйтә алам. Хәрби хезмәткә чакырылган, шулай ук махсус операцияләрдә катнашырга теләк белдергән кешеләрнең саны хәрби бурычларны үтәү өчен җитәрлек», – дигән ул.
Владимир Цимлянский аңлатуынча, Россия Оборона министрлыгы контракт буенча хәрби хезмәткә чакыручыларның сайлап алу пунктларын арттырган. Сәбәбе – махсус хәрби операциядә катнашырга теләүчеләрнең саны артуында.
