Татарстан Гидрометеорология һәм әйләнә-тирәне күзәтү идарәсе республика территориясендә һава торышының начараюы турында кисәткән. Бу хакта “ТНВ” яза.
Ведомство мәгълүматларына караганда, бүген кичен, иртәгә – 9 ноябрьдә көндез һәм төнлә томан төшәчәк. Моннан тыш иртәгә көндез көчле җил чыгып, тизлеге секундына 15 метрга кадәр җитәчәк.
Исегезгә төшерәбез: Россиягә, шул исәптән Татарстанга ябырылган көчле магнит давыллары 9 ноябрьгә кадәр дәвам итәчәк. Бу хакта Гамәли геофизика институтының матбугат хезмәтеннән хәбәр иткәннәр.
