Галимнәр нинди ризыкларның картаюны тоткарлавын аңлатканнар

Аларның әйтүенчә, аш-суда флавоноллар булырга тиеш.
Кытай тикшеренүчеләре организмның картаюын тоткарлаучы матдәләрдән торган продуктлар турында сөйләп үткәннәр. Бу хакта, “Scientific Reports” чыганагы мәгълүматларына таянып, “KazanFirst” яза.

Белгечләр әйтүенчә, флавонолларны яшелчә-җиләк-җимештә табарга мөмкин. Иң киң таралганнары – кверцетин, кемпферол, мирицетин һәм изорамнетин.
Галимнәр сүзләренә караганда, флавоноллар теләсә кайсы авырудан үлем-китемне 36 процентка диярлек киметә. Кеше йөрәк-кан тамырлары авыруларыннан яки яман шештән интеккән очракта, үлем куркынычы 33 һәм 55 процентка кими.
Алар шулай ук флавонолларның бигрәк тә яшелчәдә – барлык төр кәбестәдә, помидор, татлы борычта, шулай ук цитрус җимешләрендә, виноград һәм җиләктә күп булуын билгеләп үткән.


Фикер өстәү