11 март 2026 Яңалыклар

14 марттан язгы авыл хуҗалыгы ярминкәләре башлана

14 марттан 26 апрельгә кадәр авыл хуҗалыгы продукциясен һәм көндәлек азык-төлек товарларын сату буенча атналык ярминкәләр узачак.

Тиешле күрсәтмә Татарстан Республикасы Министрлар Кабинетында имзаланган.

Сәүдә мәйданчыклары муниципаль берәмлекләрнең башкарма комитетлары билгеләгән территорияләрдә оештырылачак. Татарстан Республикасы Авыл хуҗалыгы һәм азык-төлек министрлыгына район башлыклары белән бергәләп продукция кертүне тәэмин итү, шулай ук 10 апрельгә кадәр ярминкәләрне оештыруда катнашкан хезмәткәрләрне бүләкләү турында нигезләмәне эшләү йөкләнгән.

Терлек продукциясен сатуны контрольдә тоту Татарстан Республикасы Министрлар Кабинетының Баш ветеринария идарәсенә йөкләнгән. Татарстан буенча Эчке эшләр министрлыгына нарядларны ярминкә урыннарына якынайтырга, ә Россельхознадзор идарәсенә азык-төлек продуктларын сату шартларына мониторинг үткәрергә тәкъдим ителде.

Сүз уңаеннан, бүгенге көндә Татарстанда “Технологик яктан азык-төлек куркынычсызлыгын тәэмин итү” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"