17 яшьлек машина йөртүче Татарстанда үлем белән тәмамланган авария китереп чыгарган

Татарстанның Менделеевск районында кичә төнлә 17 яшьлек Renault Captur автомобиле йөртүчесе каршы як полосага чыккан һәм Kia Rio автомобиле белән бәрелешкән.

Юл-транспорт һәлакәте Ижевск-Пермь трассасының 21 нче километрында булган.

Татарстан Прокуратурасының рәсми вәкиле Руслан Галиев хәбәр иткәнчә, Kia Rio руле артында 46 яшьлек ир-ат булган, ул алган җәрәхәтләрдән урында ук үлгән.

Юл-транспорт һәлакәтенең сәбәпләре ачыклана, урынга прокурор урынбасары Рамил Зәйнетдинов килгән.