Россиядә социаль пенсияләрне 6,8 процентка, ә иминият пенсияләрен 3,3 процентка арттыру планлаштырыла. Бу хакта 29 октябрьдә каралган 2027 елга һәм 2028–2029 елларның план чорына Социаль фонд бюджеты турындагы федераль закон проектында әйтелә. Пенсияләрне ике этапта: 2027 елның 1 февралендә һәм 1 апрелендә арттыру күздә тотыла. Бу хакта ТАСС хәбәр итә.
Февральдәге индексациянең төгәл күләме 2027 елның гыйнварында, Росстат 2026 елдагы инфляциянең соңгы мәгълүматларын игълан иткәч, хөкүмәт тарафыннан төгәлләштереләчәк. Бу хакта ТАССка Россия Хөкүмәте каршындагы Финанс университеты профессоры Александр Сафонов сөйләгән. Ягъни документта күрсәтелгән процентлар әлегә фараз гына: ел дәвамында бәяләр көтелгәннән күбрәк артса, индексация күләме дә үзгәртелергә мөмкин.
Социаль пенсияләр иминият пенсиясен алу өчен кирәкле хезмәт стажы яки пенсия баллары җитмәгән кешеләргә, шулай ук инвалидларга һәм туендыручысын югалткан кешеләргә түләнә. Арттыру пенсиянең гамәлдәге күләменнән чыгып исәпләнәчәк. Шуңа күрә акчалата өстәмә 6,8 процент кәгазьдә күренгәнчә зур булмаска мөмкин.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез