12 август 2026 Яңалыклар

2027 елдан Бөтенроссия мәктәп укучылары олимпиадасын уздыру тәртибе үзгәрәчәк

РФ Мәгариф министрлыгы алга таба Бөтенроссия мәктәп укучылары олимпиадасын (БМУО / ВсОШ) уздыру тәртибен Мәгариф һәм фән өлкәсендә күзәтчелек федераль хезмәте (Рособрнадзор) белән килештереп раслаячак. Бу хакта ТР Мәгариф һәм фән министрлыгы матбугат хезмәтенә сылтама белән «Татар-информ» хәбәр итә.

Үзгәрешләр олимпиада уздырыла торган гомуми белем бирү фәннәре исемлеген, аны уздыру срокларын, олимпиада биремнәре комплектларын эшләү, куллану һәм саклау тәртибен, нәтиҗәләрне раслау кагыйдәләрен, шулай ук җиңүчеләр һәм призлы урыннарны яулаучылар дипломнарының үрнәкләрен раслауга кагылачак.

Рособрнадзор белән килештерү таләбен 2027 елның сентябреннән кертү планлаштырыла. Канун проекты БМУО уздыру механизмын камилләштерүгә юнәлтелгән.

Тәкъдим ителүче үзгәрешләрнең максаты — урта гомуми белем бирү программалары буенча бердәм дәүләт имтиханы формасындагы дәүләт йомгаклау аттестациясен уздырганда кулланыла торган инфраструктураны җәлеп итеп, олимпиада сыйфатын арттыру.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга