Актанышның «Башак» хуҗалыгы рәисе Илүс Ярмиев эре мал чалып, махсус хәрби операциядә һәлак булган райондашларының гаиләләренә ярдәм күрсәтте. Барлыгы 128 гаиләгә корбан ите тапшырылды. Бу хакта «Актаныш» сайты хәбәр итә.
Алда әзерләнәчәк чираттагы гуманитар ярдәмгә дә бер эре терлек бирәчәген искәртте ул. Хатын-кызлар ярдәме белән итне киптереп, ит тушенкасы ясап егетләргә җибәрәчәкләр.
«Мохтаҗларга ярдәм итү – Аллаһы Тәгаләнең әмере икәнен дә онытмыйк. Һәрберебез үзеннән соң якты эз калдырырга тырышсын, миһербанлылыкка урын калдырсын иде. Илус Илдус улына ихластан рәхмәт. Әлеге гамәл башка эшмәкәрләргә, җитәкчеләргә үрнәк булсын иде», диелгән хәбәрдә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез