Татарстанда бүген ил күләмендә башланган Россия Президентын сайлауда 16400 күзәтүче эшли. Бу хакта башкаладагы Бердәм мәгълүмат үзәгендә узган матбугат очрашуында Татарстан Үзәк сайлау комиссиясе Рәисе Андрей Кондратьев әйтте.
- Кичә ярты көн буе диярлек республикага Президент сайлавына килгән халыкара күзәтүчеләр белән очраштым. Татарстанда 16400 күзәтүче эшләячәк. Республикада узган сайлауга карата бу кадәр зур кызыксыну күргәнем юк иде әле, - диде Андрей Кондратьев.
Татарстан Үзәк сайлау комиссиясе Рәисе әйтүенчә, Татарстан һәркемгә шат һәм каршы алырга әзер.
- Бүген иртән барлык күзәтүчеләр дә сайлау участокларына чыгып китте. Бар да әйбәт булачак дип ышандырып әйтә алам, - диде Андрей Кондратьев.
Билгеле булганча, бүген Россиядә Президент сайлавы башланды. Ул 15,16 һәм 17 мартта узачак. Россия Президенты вазыйфасына - Владимир Путин (үзен-үзе тәкъдим итүче буларак), Николай Харитонов (КПРФ), Леонид Слуцкий (ЛДПР) һәм Владислав Даванков (“Новые люди”) дәгъва кыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез