Антон Силуанов: «Без глобаль экосистемасының бер өлешенә әвереләбез»

Россиядә вәкиллек үзәге ачылу ил финанс базарының җитлеккәнлеге һәм җитди мөмкинлекләре турында сөйли. Бу хакта Россия финанс министры Антон Силуанов Казанда AAOIFI вәкиллеге үзәген ачу кысасында узган түгәрәк өстәлдә катнашучыларга юллаган сәламләвендә әйтте. Аны Татарстан икътисад министры Мидхәт Шаһиәхмәтов укыды.

«Без әхлак, гаделлек һәм базарлар бүленеше принципларына нигезләнгән партнерлык финанслары глобаль экосистемасының бер өлешенә әвереләбез. Россия Финанс министрлыгы өчен партнерлык финансларын үстерү – стратегик максатларның берсе», – диелә анда.

Антон Силуанов фикеренчә, үзәкнең эше Россиянең иң яхшы дөньякүләм тәҗрибәләре белән илкүләм алымнарны үзара яраклаштыру өчен тагын бер этәргеч көч булачак.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис