Балтач районында «Ел укытучысы – 2025» бәйгесе башланды. Бу абруйлы бәйге укытучыларның профессиональ осталыгын күрсәтү, яңа методлар белән уртаклашу һәм белем сыйфатын арттыру максаты белән оештырыла. Бу хакта «Хезмәт» газетасы яза.
«Ел укытучысы – 2025» бәйгесе кысаларында үз көчләрен сынап карарга 27 укытучы теләк белдергән. Конкурсантлар үзләренә таныш булмаган укучылар белән дәрес күрсәтәчәк.
Бәйгенең беренче көне Смәел урта мәктәбендә узды, биредә 6 укытучы үз осталыкларын сынады.
Конкурсның киләсе этаплары районның башка мәктәпләрендә дәвам итәчәк, диелә хәбәрдә.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез