Х. Әхмәтов исемендәге Башкорт дәүләт филармониясе артисткасы Эльмира Юлдашева махсус хәрби операциягә барырга карар кылган. Бу хакта Кызыл таң газетасы яза. Артист махсус операция бурычларын турыдан-туры алгы сызыкта башкарырга планлаштыра, шуңа хәзерге көндә БПЛА операторына өйрәнү уза.
– Мин – үз Ватанымның патриоты. Ватаныбызны сакларга кирәклегенә шикләнгән ир-егетләр өчен үрнәк буласым килә. Хезмәттәшләремнең минем карарны хуплавына мин бик шат. Мәдәният министрлыгы җитәкчелеге эш урынымны саклап кала, – дип хәбәр иткән ул.
Эльмира Юлдашева ниятенең ныклы булуы, әмма барыбер күңелдән борчылуы хакында да әйткән.
– Әлбәттә, бик борчылам. Ләкин мин – көчле кеше, тормышта күпне күрдем. Барысы да килеп чыгар дип уйлыйм. Якыннарыма миңа ярдәм иткәннәре өчен рәхмәтлемен, – дип сөйләгән актриса.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез