09 апрель 2026 Яңалыклар

Бастрыкин Чаллыда бала тапканда үлгән хатын-кызга бәйле җинаять эшен тикшерүне контрольгә алган

Россия Тикшерү комитеты башлыгы Александр Бастрыкин Чаллыда бала тапканда вафат булган хатын-кызга бәйле җинаять эшен тикшерү нәтиҗәләре турында доклад таләп иткән. Бу хакта «KazanFirst» Россия Тикшерү комитетының Татарстан буенча идарәсе мәгълүматларына таянып яза. Социаль челтәрләрдә Чаллыда яшәүче ир-атның Россия Тикшерү комитетына мөрәҗәгате пәйда булган.

Ир-ат хәбәр иткәнчә, аның 36 яшьлек кыз туганы 2023 елның мартында хастаханәдә бала тапканнан соң, тиешенчә медицина ярдәме күрсәтелмәве сәбәпле, вафат булган. Җинаять эше тикшерелгән, әмма гаеплеләр җаваплылыкка тартылмаган. Шул ук вакытта ир-ат тикшерүнең барышыннан да, кабул ителгән карардан да канәгать калмавын белдергән.

Россия Тикшерү комитетының Татарстандагы Тикшерү идарәсе саксызлык белән үлемгә китерү статьясы буенча җинаять эшен тикшергән. Аның нәтиҗәләре буенча җинаять эше туктатылган. Менә хәзер Александр Бастрыкин комитетның Татарстандагы идарәсе җитәкчесе Валерий Липскийга җинаять эшен тикшерүнең нәтиҗәләре, кабул ителгән карарлар һәм аларның нигезләнеше турында доклад тапшыру бурычын йөкләгән.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"