06 гыйнвар 2026 Яңалыклар

Бүген төнлә Казанда Раштуа гыйбадәтеннән соң автобуслар йөриячәк

Казанда 6 гыйнвардан 7 гыйнварга каршы төндә шәһәр транспорты 2:00 сәгатькә кадәр эшләячәк.

Бу хакта Татарстан башкаласы мэриясе матбугат хезмәте транспорт комитетына сылтама белән хәбәр итте.

Төнлә Казан Изге Ана иконасы соборы янында Раштуа уңаеннан бәйрәм гыйбадәте узачак. Гыйбадәт тәмамлаганнан соң «Казан авиация институты» тукталышына кадәр 10, 23, 30, 60 һәм 89 номерлы автобуслар киләчәк.

Бәйрәм көннәрендә транспорт эше турында сораулар белән комитетның кайнар линиясенә +7 (843) 223-28-28 номеры буенча мөрәҗәгать итәргә мөмкин.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!