Россиядә хәрби хезмәткә көзге чакырылыш 2025 елның 1 октябрендә башлана. Бу хакта гражданнарны хәрби хезмәткә язгы чакыру нәтиҗәләре буенча брифингта һәм 2025 елның көзендә Россия Федерациясе Кораллы көчләрен һәм башка гаскәрләрне туплау үзенчәлекләре турында РФ Кораллы Көчләре Генераль штабының Баш оештыру-мобилизация идарәсе башлыгы урынбасары, вице-адмирал Владимир Цимлянский хәбәр итте. Бу хакта «ТАСС»ка сылтама белән «Татар-информ» яза.
«1 октябрьдә көзге чакырылыш башлана. Бүген без аның башлануына багышланган брифинг үткәрәбез. Искәртеп узасым килә, 2025 елгы чакырылыш кампанияләре халкыбызның Бөек Ватан сугышында Җиңүенең 80 еллыгы елында уза. Россия Федерациясе Президенты тарафыннан Ватанны саклаучылар елы дип игълан ителгән ел», – дип билгеләде ул.
Ул ассызыклаганча, көзге чакырылыш чаралары планлы тәртиптә үткәрелә. «2025 елның көзге чакырылыш чаралары, элеккеге кебек үк, планлы тәртиптә уздырыла һәм махсус хәрби операция уздыру белән бәйле түгел», – диде вице-адмирал.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез