07 гыйнвар 2026 Яңалыклар

Депутат СССР халыкларының милли киемнәре белән уенчыклар бәйгесе үткәрергә тәкъдим итте

2027 елда, Советлар Союзы оешуга 105 ел тулу алдыннан, СССР халыкларының традицион ир-ат һәм хатын-кыз костюмнарында уенчыклар ясау буенча конкурс үткәрү тарихи хәтерне саклауга ярдәм итәргә мөмкин. Мондый фикерне Дәүләт Думасы депутаты Николай Новичков белдерде, дип яза «ТАСС»ка сылтама белән «Татар-информ».

Ул 2026 елда союз республикалары халыклары костюмнарын тәкъдим итүче 15 пар уенчык ясау буенча конкурс оештырырга тәкъдим итте. Бер үк вакытта, аның сүзләренчә, Россия халыкларының милли костюмнарындагы 105 пар уенчыктан торган коллекция булдырырга мөмкин.

Новичков хәбәр иткәнчә, Яңа ел бәйрәмнәреннән соң инициативаны ул сәнәгать һәм сәүдә министры Антон Алихановка җибәрергә планлаштыра. Аның фикеренчә, профильле ведомство рәссамнар һәм дизайнерлар катнашында ачык иҗади конкурс игълан итә алыр иде, ә үрнәкләрне илнең төрле төбәкләреннән гражданнар фикерен исәпкә алып сайлап алырга мөмкин.

Депутат искә төшергәнчә, 2026 ел Россия халыклары бердәмлеге елы дип игълан ителде.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",