Сораштыруда катнашучыларның 49 проценты фикеренчә, мондыйлар Мәскәүдә кайдагыга караганда да күбрәк.
Сораштыруда катнашучыларның 49 проценты “трудоголик”лар саны буенча Мәскәүне беренче урынга чыгарган: башкала дигәндә, тормышның һәрдаим “кайнап торуы”, югары дәрәҗәдә көндәшлек күз алдына килеп баса. Бу хакта “Известия” “Работа.ру” һәм “Подработка” сервисларының тикшеренү мәгълъматларына таянып яза.
Икенче урынга Санкт-Петербург (25% тавыш җыйган) чыккан: мәдәни башкалада да эшлеклелек дәрәҗәсе зур. Новосибирск (14%), Себернең зур сәнәгать һәм фәнни үзәк статусын раслап, өченче урынны алган.
Дүртенче урында – Екатеринбург һәм Чиләбе (12шәр процент). Алардан соң рейтингта Красноярск (10%), Краснодар (9%), Казан, Владивосток һәм Түбән Новгород (8%әр процент) урнашкан. Респондентларның 5 проценты Самара, Ростов-Дон, Омск, Пермь һәм Волгоградны сайлаган.
Эшкә атлыгып торуның сәбәпләренә килгәндә, сораштыруда катнашучыларның 45 проценты шәһәрдә тормышның “кайнавын” билгеләп үткән. Тормышның кыйммәтләнүе, муллыкта яшәү омтылышы турында җавап бирүчеләр дә күп булган ((39%). Моннан тыш респондентларның 37 проценты фикеренчә, хезмәт базарындагы югары көндәшлек тә кешеләрне күбрәк эшләргә этәрә. Сораштыруда катнашучыларның 25 проценты карьера үсеше мөмкинлекләрен, предприятиеләрнең күп булуын (24%) да “трудоголик”ларга уңай җирлек тудыручы сәбәпләрнең берсе булып торуын билгеләп үткән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез