Татарстанның Гадәттән тыш хәлләр министрлыгы Яңа ел бәйрәмнәрендә саклык чаралары турында искә төшерде.
Аерым алганда, алар йорт бизәлеше, гирляндалар янып китү куркынычы турында кисәтте. Елның тылсымлы вакытын күңелле һәм хәвеф-хәтәрсез уздыру өчен бары тик сыйфатлы һәм сертификацияләнгән гирляндалар гына кулланырга кирәк. Шул ук вакытта челтәргә тоташтырылган электр приборларын караусыз калдырырга ярамый. Өйдән яки фатирдан чыкканда, шулай ук йоклар алдыннан чыршыдагы гирляндаларны сүндерергә кирәк. Бер үк вакытта берничә гирлянданы кулланмаска тырышырга кирәк, чөнки кыска ялганыш аркасында янгын чыгарга мөмкин. Моннан тыш, чыршының ышанычлы итеп урнаштырылуын һәм янәшәдә җылылык чыганаклары булмавын да тикшерү мөһим.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез