Җәй көне Татарстанда куркыныч метеорологик күренешләр – җил-давыллар, яңгыр, боз һәм өермә булырга мөмкин. Бу хакта «Татар-информ»га Татарстан Гидрометеорология үзәге җитәкчесе Феликс Гоголь хәбәр иткән.
«Җәй көне конвекция белән бәйле куркыныч күренешләр өстенлек итә. Һава массаларының артык җылынуы исәбенә җир өслегенә якында яңгыр болыты формалашуына ярдәм итүче процесс үсеш ала. Нәтиҗәдә куркыныч күренешләр – җил-давыллар, яңгыр, боз, өермә барлыкка килә», - диде ул.
«Метео» фаразлау үзәге җитәкчесе Александр Шувалов билгеләп үткәнчә, теләсә нинди куркыныч метеорологик йогынты санаулы сәгатьләр һәм минутлар эчендә формалаша. Мондый күренешне фаразларга мөмкин булган чор нәкъ шундый ук. Еш кына куркыныч метеокүренешләр эсседән салкынча һава торышына күчү чорларында була.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез