Ябыкканнан соң алга таба буй-сынны зифа килеш саклап калу өчен, нагрузканы берникадәр киметеп, күнегүләрне дәвам итәргә кирәк. Аларны ташлап, янә дөрес тукланмый башлаган кеше кабат элекке хәленә кайтачак. Фитнес-тренер Сергей Литовченко “Татар-информ” хәбәрчесенә шул хакта сөйләп үткән.
“Күнегүләрне ташларга кирәкми. Гәрчә аларны киметергә һәм йөрәкне ныгыту күнегүләренә күбрәк игътибар итәргә: йөзә, велосипедта йөри, җәяү йөри башларга мөмкин”, – дигән ул.
Шулай ук, аның әйтүенчә, ябыкканнан соң кеше үз алдына яңа максат куя ала.
“Ябыгуга ирешүчеләргә, әйтик, тән сыйфатын яхшырту максатын куярга мөмкин. Ир-атлар – мускулларын үстерә, кызлар – аяклары, арт саны матурлыгын, прессны кайгырта ала”, – дип өстәгән фитнес-тренер.
Башка шөгыльгә дә күчеп була, дигән фикердә Литовченко.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез