Икенче чакырылыш Яшьләр парламентының яңа составы быелның сентябрендә сайлана. Мондый карар бүген Дәүләт Советы каршындагы Яшьләр парламентының унөченче утырышында кабул ителде. Утырыш эшендә Социаль сәясәт комитеты рәисе Светлана Захарова, ТР яшьләр эшләре министры Ринат Садыйков, Дәүләт Советы депутаты Динар Бариев катнашты.
Яшьләр парламенты рәисе, Дәүләт Советы депутаты Нина Шимина әйтүенчә, сентябрьдә парламентның 100 әгъзасын сайлаячаклар. Шулардан 45 кеше – муниципалитет вәкилләре, 35 кеше – иҗтимагый оешма вәкилләре һәм 20 кеше – «үз-үзләрен тәкъдим итүчеләр». Гаризалар бирү процедурасы 15 июльдә башлана, ул 11 августка кадәр дәвам итәчәк, 12-29 августта дебатлар узачак, ә 2-8 сентябрьдә Дәүләт хезмәтләре порталында кандидатлар өчен онлайн тавыш бирү узачак, аның нәтиҗәләре 11 сентябрьдә басылып чыгачак.
Дәүләт Советының Социаль сәясәт комитеты рәисе Светлана Захарова Яшьләр парламенты әгъзаларына яшьләр сәясәте өлкәсендә законнарны камилләштерүгә юнәлдерелгән инициативалар һәм тәкъдимнәр өчен рәхмәт әйтеп, киләчәктә дә Яшьләр парламентының Дәүләт Советының барлык комитетлары белән үзара хезмәттәшлеген дәвам итүенә өмет белдерде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез