Кардиолог ни өчен бакчада иелеп эшләргә ярамавын аңлатты

Табиб әйтүенчә, иң яхшысы – бакчада 12.00 сәгатькә кадәр һәм 16.00 сәгатьтән соң эшләү. Шушы сәгатьләр аралыгында өлкәннәргә генә түгел, гомумән, барча кешегә кояш күзендә йөрмәү киңәш ителә. Ник дигәндә, кояшның көндезге яндыргыч нурлары йөрәк-кан тамырларына бәрергә һәм  эссе сугуга китерергә мөмкин.

«Икенчедән, башны аска иеп түгел, бәлки утырып кына эшләргә кирәк, – дип дәвам иткән сүзен Кондрахин. – Иелеп эшләү тыела!»

Белгеч өлкән яшьтәгеләргә төшке аштан соң кимендә ярты сәгать ял итеп алырга киңәш иткән. Ул шулай ук кан басымын тикшерү: аны иртән һәм кичен бер үк вакытта үлчәү зарурилыгын искә төшергән.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!