Узган тәүлектә Казан урамнарын җыештыру өчен рекорд сандагы 1353 берәмлек махсус техника җәлеп ителгән. Җәмәгать транспорты тукталышларын көчәйтелгән режимда җыештыралар. Төп көчләр магистраль, транспорт маршруты һәм җәяүлеләр зоналарына юнәлтелгән. «Игелекле Казан» волонтерлары өлкән яшьтәге һәм аз хәрәкәтләнүче казанлылар ишегалларын һәм түбәләрен чистартырга булыша. Ике көн эчендә ялгыз пенсия яшендәгеләрдән, инвалидлардан 19 гариза алынган.
Исегезгә төшерәбез, көчле явым-төшем аркасында шәһәрдә җомга киченнән «Буран» планы гамәлгә кертелде.
Һава торышына килгәндә, кар сишәмбегә кадәр явачак, аннары салкыннар башлана.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез