Казанда AAOIFI вәкиллеге ачылды

Ислам финанслары стандартларын эшләүче AAOIFI халыкара оешмасы БДБ илләре территориясендә беренче вәкиллеген ачты. Әлеге үзәк Казанда эшләячәк. Бу хакта вәкиллекне ачу кысасында узган түгәрәк өстәл барышында билгеле булды.

«AAOIFI вәкиллек үзәге рәсми рәвештә үз эшен башлый. Үзәк методологик һәм консультацион ярдәм күрсәтүне, AAOIFI стандартларын гамәлгә ашыруны, һөнәри диалогны үстерүне һәм партнерлык финансларының һөнәри алымнарын формалаштыруны тәэмин итүче төп халыкара эксперт мәйданчыгы булачак», – дип белдерде бу уңайдан Татарстан икътисад министры Мидхәт Шаһиәхмәтов.

AAOIFI штаб-фатиры Бахрейн Корольлеге башкаласы Манамада урнашкан. Ислам финанс институтлары өчен бухгалтерлык хисабы һәм аудит буенча оешманы Попечительлек советы рәисе шәех Ибраһим бән Хәлифә Әл-Хәлифә җитәкли. Ул Казанда узган түгәрәк өстәлдә катнашты.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис