Казанда җинаятьчеләрне һәм югалган кешеләрне эзләү өчен ясалма интеллект нигезендә видеоаналитика эшләтеп җибәрделәр. Бу хакта ТАССка «Ростех»дәүләт корпорациясенең технологик партнеры NtechLab компаниясе матбугат хезмәтендә хәбәр иттеләр, дип яза «Реальное время».
Система җир асты кичүләрендә һәм метро станциясенә керү урыннарында урнаштырылган берничә дистә камерадан видео агымын анализлый. Нейрочелтәр эзләнүче кешеләрне секунд эчендә табарга сәләтле. Танып белү төгәллеге 99,9% тан артып китә, дип ачыклык керттеләр компаниядә.
NtechLab мәгълүматлары буенча, карар Россиянең 40 төбәгендә кулланыла һәм җинаятьләрне тикшерүне тизләтергә, шулай ук җинаятьчеләр һәм хәбәрсез югалганнарның маршрутларын торгызырга мөмкинлек бирә. Кайбер очракларда система хокук бозуларны булдырмый калырга ярдәм итә.
Ntechlab видеоаналитикасы Татарстанда 2022 елдан хокук саклау органнары мәнфәгатьләрендә кулланыла. Республика хакимияте халыкның һәм туристларның иминлеген тәэмин итү өчен ИИ-карарлар куллануны киңәйтергә планлаштыра.
NtechLab компаниясенә 2015 елда нигез салынган. Аның видеоаналитика технологияләре Россиянең 70тән артык төбәгендә һәм 34 илдә кулланыла.
Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез