Татарстанда 32 яшьлек Казан хатын-кызына карата җинаять эшен тикшерү тәмамланган. Аны, саксызлык аркасында кеше үлеменә китергән сәламәтлеккә белә торып авыр зыян салуда гаеплиләр. Бу хакта Татарстан буенча Россия Тикшерү комитеты хәбәр итә.
Фаҗига 2026 елның 22 гыйнварында Приволжская урамындагы йортларның берсендә булган. Хатын-кыз 39 яшьлек танышы белән спиртлы эчемлекләр эчкән. Табын вакытында ул ир-атның корсагына аягы белән типкән. Алган җәрәхәтеннән ир-ат вакыйга урынында ук үлгән.
Тикшерү судка җибәрү өчен җитәрлек дәлилләр туплаган. Гаепләү бәяләмәсе расланганнан соң, җинаять эше судка тапшырылган.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез