Казаннан көньякка өстәмә поездлар йөри башлаган

Җәен ихтыяҗ зур булганлыктан, шундый карар кабул ителгән.

Казаннан көньяк юнәлешкә өстәмә поездлар җибәрелгән. Җәен поездга ихтыяҗның зур булуына бәйле бу.
Шулай итеп, хәзер Казан-Адлер маршруты буенча 491/492 нче поезд 29 сентябрьгә кадәр көнаралаш йөриячәк. Казаннан Новороссийск шәһәренә 509/510 поездының да 25 сентябрьгә кадәр шулай йөрүе күздә тотыла. Казан-Пенза-1 маршруты буенча 375/376 нчы өстәмә поезд җибәрелгән. Ул 15 сентябрьгә кадәр көн саен йөриячәк.

Горький тимер юллары башлыгы Сергей Дорофеевский “КП-Казань” хәбәрчесе белән әңгәмәсендә көньяк юнәлешкә ихтыяҗның артуын чираттагы яллар сезоны башлануга бәйләп аңлаткан. Гадәттә һәр ел саен шундый хәл күзәтелә, дигән ул.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!