Кыскарту булган очракта кемнәрне эштән җибәрергә ярамавын аңлатканнар

Кайбер эш бирүчеләр теге яки бу сәбәптән штатны кыскартырга мәҗбүр. “Татар-информ” хәбәрчесе Татарстанда кемнәрне эштән җибәрергә ярамавын белешкән.

Кемнәр хисабына штатны кыскартырга ярамый?

– йөкле хатын-кызлар;
– 3 яшькә кадәр бала тәрбияләүче хатын-кызлар;
– 14 яшькә кадәрге баласын яки инвалид баласын балигълык яшенә кадәр тәрбияләүче ялгыз аналар;
– инвалид баланың бердәнбер туендыручысы.

Моннан тыш штат кыскартылганда, түбәндәге категориядәге хезмәткәрләр эштән җибәрелмәскә мөмкин:

– инвалид хезмәткәрләр;
– уйлап табучылар;
– дәүләт сере булып торучы мәгълүматлар белән таныша алучы хезмәткәрләр;
- югары дәрәҗәдәге дәүләт бүләкләренә ия булучылар;
- ике һәм аннан күбрәк кешене туендырып-карап торучылар;
- әтисе чакырылыш буенча хезмәт итүче баланың әнисе;
- гаиләдә бердәнбер туендыручы;
- производствода имгәнгән яки җәрәхәтләнгән хезмәткәрләр;
- эш бирүче өчен кирәкле программа буенча квалификациясен күтәрүчеләр.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!