11 март 2026 Яңалыклар

Март салкыннары белән рекорд куйды, хәзер +5 градуска кадәр җылытачак

Бәйрәм көннәрендә Татарстанда моңарчы күрелмәгән суыклар булды. Казанда 10 мартта һава температурасы рекорд куйган: «Казан-Сокол» метеостанциясе мәгълүматларына караганда, термометрның терекөмеш баганасы –30,5 градуска кадәр төшкән.

Моңа кадәрге 10 март рекорды бер гасыр элегрәк булган: 1908 елда «Казань-Университет» метеостанциясендә теркәлеп, –27,3 градус тәшкил иткән.

Бүген, көндез –2...+3, төнлә –8...–13, көнчыгыш районнарда –14...–19 градус салкын булачак.

Пәнҗешәмбе – 12 мартта явым-төшем ихтималы аз. Көндез һава температурасы 0...+4 градус, төнлә 0...–4 градус чикләрендә тирбәләчәк. Юлларда – көчле бозлавык.

Гидрометеоүзәкнең башлангыч фаразына караганда, җомга – 13 мартта һәм шимбә – 14 мартта һава торышында сизелерлек үзгәрешләр көтелми. Явым-төшем булмаячак. Көндез температура 0...+5, төнлә 0...–3 градус тәшкил итәчәк.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!