16 апрель 2026 Яңалыклар

Мартта бирелгән автокредитлар саны буенча Татарстан беренче бишлеккә кергән

Республикада март аенда 5,8 мең автокредит биргәннәр. Февральдәгегә караганда 53 процентка зуррак сан бу.

Берләштерелгән кредит бюросы хәбәр иткәнчә, беренче кварталда бездә машиналар сатып алуга барлыгы 12,8 мең кредит рәсмиләштерелгән.

Мартта бирелгән автокредитлар саны буенча Татарстан төбәкләр арасында Мәскәү, Мәскәү өлкәсе һәм Санкт-Петербургтан соң дүртенче урында.

Республикада яшәүчеләр мартта 8,4 миллиард сумлык автокредит алган. Бер кредитның уртача күләме 1,45 миллион сумны тәшкил итә. Бурычны уртача 70 айга алалар.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"