"Справедливая Россия - За правду" партиясе бу көздә узачак Татарстан Рәисен сайлауда үз кандидатурасын тәкъдим итмәячәк. Бу хакта журналистларга партия җитәкчесе Сергей Миронов әйтте.
"Рәисне сайлауга беркемне дә тәкъдим итмәячәкбез. Без республиканың гамәлдәге башлыгын хуплыйбыз", - диде ул матбугат очрашуында.
Ул бу хакта телефон аша сөйләшкәндә Рөстәм Миңнехановка әйтүен дә белдерде. "Дөресен генә әйткәндә, Рөстәм Нургалиевич моңа гаҗәпләнде", - диде Сергей Миронов.
Рөстәм Миңнеханов Сергей Миронов белән көннең икенче яртысында очрашачак дип көтелә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез