Бу хакта Россия Эчке эшләр министрлыгы материалларына сылтама белән ТАСС хәбәр итә.
Аферистлар популяр күчемсез милек сайтларында фатирны арендага бирү турында белдерүләр урнаштыра.
Күрсәтелгән номер буенча кызыксынган һәм шалтыраткан кешеләргә җинаятьчеләр фатир буш дип хәбәр итә һәм аны броньлау өчен алдан түләүне сорый. Моннан тыш, алар нәкъ менә шушы фатирны тапшыру белән шөгыльләнүче менеджер контактын җибәрергә вәгъдә итә.
"Сылтама алгач һәм банк реквизитларын кертеп, алданучының онлайн-банк кушымтасы ачыла һәм ул түләүне раслый. Шуннан соң аның картасыннан акча алына", - дип хәбәр итә хокук саклаучылар.
Әмма мошенниклар моның белән генә тукталмый.
Корбан булган кеше әлеге хәл турында хәбәр иткәч, "менеджер" программаның сәер өзеклеге турында сөйли. Янәсе сайтта хата булган һәм акчаны кире кайтару өчен картаны шул ук суммага тулыландырырга кирәк.
Нәтиҗәдә мошенник корбаны булган кеше, акчаны кайтарырга теләп, тагын да зуррак суммалардан мәхрүм кала, ди хокук саклаучылар.
Мошенниклар корбаны булмас өчен мессенджерларда яки почтада таныш булмаган кешеләрдән килгән сылтамалар буенча күчмәскә киңәш ителә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез