Татарстанда ноябрь йомгаклары буенча еллык инфляция 8,83 процентка җиткән. Шулай итеп, әлеге күрсәткеч октябрьдә 8,32 процентка кадәр кимегәннән соң (сентябрьдә 8,71 процент булган), янә күтәрелә башлаган. Бу хакта “Татар-информ” “Татарстанстанстат” мәгълүматларына таянып яза.
Шул ук вакытта республикада бәяләр 2023 елның декабреннән– 8,31, ә 2024 елның октябреннән – 1,41 процентка үскән. Хезмәтләр хакы исә 12,62 һәм 1,18 процентка арткан.
Азык-төлек (яшелчә һәм җиләк-җимештән башка) бер ел эчендә – 10,32, бер ай эчендә – 2,43 процентка кыйммәтләнгән. Яшелчә, җиләк-җимеш исә – 14,57 һәм 10,15 процентка.
Шул ук вакытта азык-төлек булмаган товарлар бәясе бер ел эчендә – нибары 4,85 процентка, бер ай эчендә – 0,59 процентка үскән
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез