01 ноябрь 2025 Яңалыклар

Ноябрь аеның ничек киләчәген әйттеләр

Идел буе, Төньяк-Көнбатыш, Үзәк, Көньяк, Урал һәм Себер федераль округларында ноябрь аенда һава температурасы нормадан югарырак булачак. Бу хакта Россия Гидрометеоүзәге җитәкчесе Роман Вильфанд сөйләде, дип яза «ТАСС».

«Россиянең Европа өлешендәге күпчелек территориядә һава температурасы нормадан югары булачак. Шул ук вакытта Азия өлешендә дә ноябрьдә җылы булыр шикелле», – дип аңлатып үткән метеоролог.
Моннан тыш, Вильфанд әйтүенчә, Ерак Көнчыгышта, Якутия һәм Хабаровск краенда ноябрьдә температураның нормага якын булуы көтелә. Фәкать Якутиянең төньяк-көнчыгышында, Чукоткада, Камчатка краенда гына аномаль суыклар күздә тотыла. «Бу төбәкләргә кыш алданрак килә, шуңа шулай», – дип искәртеп үткән галим.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!