22 октябрь 2022 Яңалыклар

Республика районнарының берсендә мобилизацияләнүчеләрнең чираттагы төркемен озаттылар

Баулы районында мобилизацияләнүчеләрнең чираттагы төркемен озаттылар. Озату 22 октябрьдә иртән җирле хәрби комиссариатта узды.

- Бүген олы улымны озатам. Ике улым да армиядә хезмәт иткән. Бездә беркем дә качып йөрмәде. Ватан алдында бурычны үтәргә кирәк дип уйлыйбыз, - ди Ирина Каксялова.

Район башлыгы Ильяс Гозәеров та үз теләкләрен җиткерде. Ул мобилизацияләнгән ир-атларга батырлыклары өчен рәхмәт белдерде.