27 май 2026 Яңалыклар

Республикада СВОда катнашучыларга ярдәм итү буенча өч меңнән артык акт эшли

Татарстанда махсус хәрби операциядә катнашучыларга һәм аларның гаиләләренә ярдәм итү буенча 16 юнәлештә өч меңнән артык акт эшли. Бу хакта ТР юстиция министры урынбасары Мөхәррәм Ибәтов сөйләде, дип яза «Татар-информ».

– Республиканың 43 районында, ике шәһәр округында һәм 912 торак пунктында 1 апрельгә 16 юнәлеш буенча 3082 төр ярдәм исәпкә алынган. Бу юнәлештәге эш приоритетлы булып тора. Татарстанда бер генә ярдәм акты да безнең министрлык катнашыннан башка кабул ителми. Без хокукый һәм коррупциягә каршы экспертиза үткәрәбез, документларны теркәп, федераль реестрга кертәбез, – дип сөйләде ул.

Татарстан юстиция министры урынбасары МХОда катнашучыларга ярдәм итү эше дәвам итүен билгеләп үтте. Хәзерге вакытта, Ибәтов сүзләренә караганда, аларга бушлай җир участоклары бирү мәсьәләсе эшләнә, тик бу хакта закон дәрәҗәсендә ахыргы карар әлегә кабул ителмәгән.

– Барлык чаралар – федераль дә, республика да, муниципаль дә – чыннан да эшли. Үткән елда гына да бушлай хокукый ярдәм өч меңнән артык гражданыбызга күрсәтелде. Елдан-ел ярдәм чараларының саны арта гына, – дип йомгаклады ул.

БЕЗНЕҢ МАКС КАНАЛЫНА ЯЗЫЛЫГЫЗ!

«милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкци