02 февраль 2026 Яңалыклар

Россиядә 2 млн сумлык «ата капиталы» кертергә тәкъдим иттеләр

РФ Иҗтимагый палатасының демография, гаиләне, балаларны һәм традицион гаилә кыйммәтләрен яклау комиссиясе рәисе Сергей Рыбальченко Россиядә «ата капиталы» – күп балалы гаиләләр өчен 2 млн сум күләмендә өстәмә түләү кертергә тәкъдим итте, дип яза «Татар- информ».

Инициатива өч һәм аннан да күбрәк балалар табуны стимуллаштыруга һәм гаиләдә атаның ролен ныгытуга юнәлтелгән.

«Минемчә, мондый түләү әтиләрне репродуктив планнарын тормышка ашырырга этәрә алыр иде. Икенчедән, бу гаиләдә әти кешенең ролен арттырачак», - дип ассызыклады Рыбальченко ТАСС белән әңгәмәдә.

Ул билгеләп үткәнчә, ана капиталы, гаилә капиталы дип аталса да, нигездә күбрәк аналарга ярдәм итүгә юнәлтелгән.

«Әтиләргә карата да шундый ук инициативаны һәм шундый ук практиканы кулланырга кирәк», - дип өстәде комиссия башлыгы.

Аның сүзләренчә, түләүне гаиләдә өченче бала туганда бирергә тәкъдим ителә. «Ата капиталының мәгънәсе ир-атларның әти буларак ролен ассызыклауда», – дип аңлатты Рыбальченко.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",