01 ноябрь 2025 Яңалыклар

Россиядә кунакханәләргә чит ил паспорты һәм машина йөртү таныклыгы белән урнашып булачак

Хәзер кунакханәгә урнашканда шәхесне раслау өчен паспорт белән беррәттән чит ил паспортын да кулланырга була. 2026 елның 1 гыйнварыннан шулай ук машина йөртү таныклыгын да күрсәтергә мөмкин. Бу хакта карарны Россия Премьер-министры Михаил Мишустин имзалады, дип хәбәр итә РФ Хөкүмәте матбугат хезмәте.

Карар кунакханәләргә урнашу процедурасын гадирәк һәм гражданнар өчен уңайлырак итәргә тиеш.

Кунакханәләр өчен техник тоткарлыклар килеп чыккан очракта үтәргә кирәк булган гамәлләрнең төгәл регламенты әзерләнгән. Бу бизнес өчен хокукый куркынычларны булдырмаска ярдәм итәчәк, дип ышандырдылар матбугат хезмәтендә.

Машина йөртү таныклыгы белән урнашу өчен техник нигезне РФ Эчке эшләр министрлыгы тәэмин итәчәк. Ведомствоның мәгълүмати системалары таныклыкларны реаль вакыт режимында Дәүләт автоинспекциясе базалары аша тикшерәчәк.

Сүз уңаеннан, хәзерге вакытта «Туристлык һәм кунакчыллык» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

«милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,