21 ноябрь 2025 Яңалыклар

Россиядә күп балалы гаиләләр саны арткан

2025 ел башыннан Россиядә күп балалы гаиләләр саны 8 процентка артып, 3,9 миллионга җиткән. Бу хакта РФ хезмәт һәм социаль яклау министры Антон Котяков хәбәренә сылтама белән «РИА Новости» агентлыгы яза.

«Күптән түгел генә күп балалы гаиләләрдә 8,9 миллион бала исәпләнә иде, 10 ай нәтиҗәләре буенча аларның саны инде 9,2 миллионга җитте. Ягъни үсеш – 300 меңгә якын», – дип белдерде министр.

Россиядә өч һәм аннан да күбрәк баласы булган гаилә күп балалы гаилә дип санала. Аларга күп төрле ташламалар (мәсәлән, ипотека түләү өчен 1 миллион сумга кадәр субсидия, торак-коммуналь хуҗалык хезмәтләренә ташламалар, уңайлы вакытта ял алу мөмкинлеге һ.б.) каралган.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",