Татарстан Рәисе Рөстәм Миңнеханов Telegram-каналында республика аграрийларын Авыл хуҗалыгы һәм эшкәртү сәнәгате хезмәткәрләре көне белән котлады.
«Быел республика кырларында лаеклы уңыш үстерелде, шул исәптән 4,5 миллион тонна ашлык җыеп алынды. Бу -безнең аграрийларның югары осталыгы һәм хезмәт сөючәнлеге нәтиҗәсе», - дип искәртте Миңнеханов.
Төбәк җитәкчесе тармакның барлык хезмәткәрләренә тырыш хезмәтләре, Татарстанның һәм тулаем Россиянең азык-төлек иминлеген ныгытуга керткән өлешләре, шулай ук «илкүләм проектны уңышлы гамәлгә ашырулары» өчен рәхмәт белдерде (биредә «Азык-төлек иминлеген технологик тәэмин итү» илкүләм проекты турында сүз бара).
«Сезгә нык сәламәтлек, иминлек һәм яңа казанышлар телим! Игенченең уңганлыгы, хезмәт яме һәм тырышлыгы кырларыннан күренә!» - дип сүзен төгәлләде Татарстан Рәисе.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез