"Татарстанның МТС компаниясе белән күпьеллык үзара файдалы хезмәттәшлек тәҗрибәсе бар, - диде Рөстәм Миңнеханов. - Без Сезнең компаниянең авыл җирендә цифрлы тигезсезлекне бетерү проектына керткән өлешен бик югары бәялибез. 2026 елда бу юнәлештә уртак эш дәвам иттереләчәк. Бу татарстанлыларны сыйфатлы элемтә һәм тизлеге зур булган интернет белән тәэмин итү өчен аеруча мөһим».
2025 елда МТС 236 яңа база станциясе урнаштырган, аларның бер өлеше цифрлы тигезсезлекне бетерү программасы кысаларында Татарстанның 20 районындагы 41 авылда эшли башлаган.
"Татарстан -МТС өчен төп төбәкләрнең берсе, анда без зур потенциал күрәбез һәм шактый ресурслар кертәбез. Быел МТС төбәк халкын һәм бизнесын элемтә һәм югары тизлекле интернет белән тәэмин итү эшен дәвам итә. 2026 елда Татарстан территориясендә мобиль элемтәне үстерүгә гомуми инвестицияләр 1,1 млрд сум тәшкил итә», - дип ассызыклады МТС генераль директоры Инесса Галактионова.
«Цифрлы тигезсезлекне бетерү» илкүләм программасы буенча мобиль элемтә челтәрен үстерүгә өстәп, 2025 һәм 2026 елларда компания республика территориясендә төбәк һәм федераль автомобиль юлларын каплау өчен 30га якын яңа база станциясен эшләтеп җибәргән. Шулай ук искергән 3G (рефарминг) стандартын өзү хисабына компания LTE өслеген Чаллыда, Азнакайда, Бөгелмәдә һәм Лениногорскта киңәйткән. Татарстанның 6 шәһәрендә оператор 26 локациядә Wi Fi га керү челтәрен җәелдергән, анда теләсә кайсы оператор абонентлары бушлай Wi Fi белән файдалана ала.
МТС генераль директоры Инесса Галактионова хәбәр иткәнчә, импортны алмаштыру кысаларында компания Татарстан территориясендә Россия төбәкләре арасында үзебездә җитештерелгән база станцияләренең иң күп санын урнаштырган. Бүгенге көндә МТС челтәрендә республикада ИРТЕЯнең 72 база станциясе эшли.
МТС Линк коммуникацияләре өчен үзебезнең платформаны республиканың эре югары уку йортлары - КФУ, КДМУ, КНИТУ-КАИ, Иннополис Университеты һәм башкалар видеоконференцияләр һәм онлайн-укытулар үткәрү өчен файдаланалар.
Бизнес-бергәлек һәм дәүләт органнары белән берлектә компания республикада Татарстан икътисадын цифрлаштыру буенча колачлы проектларны гамәлгә ашыра. Алар арасында: агросәнәгать комплексындагы процессларны автоматлаштыру, пассажирлар йөртү предприятиеләренең хәрәкәтчән составын түләүнең кондукторсыз системасы, видеокүзәтү һәм пассажирлар агымын исәпләү белән тәэмин итү, сәнәгать секторы предприятиеләре ихтыяҗлары өчен pLTE/5G шәхси челтәрләре инфраструктурасын булдыру. 2026 елда МТС Россия Гадәттән тыш хәлләр министрлыгының Татарстан Республикасы буенча Баш идарәсе белән берлектә төбәктә су басу куркынычы югары булган зоналарда су басу янауларын мониторинглау буенча сынау проектын гамәлгә ашырды.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез