Очрашу Россиянең беренче Космос атналыгы кысаларында узды, ул Юрий Гагарин очышының 65 еллыгына багышланды. Татарстанда «Гагарин декадасы» уза – ул космос темасына багышланган берничә мәгариф һәм мәдәни чараны үз эченә ала.
«Республикабызда Россиянең мондый хөрмәтле кешеләрен – очучы-космонавтларны кабул итү безнең өчен зур хөрмәт», – диде Рөстәм Миңнеханов кунакларга мөрәҗәгать итеп.
Һәр космонавтның Җир өстеннән читтә үткәргән бик күп көннәре һәм айлары бар.
Александр Юрий улы Калери – Россия космонавты, Россия Герое, биш очыш ясаган, гомуми дәвамлылыгы 769 тәүлек, биш тапкыр ачык космоска чыккан.
Юрий Владимир улы Усачев – Россия Герое, дүрт тапкыр космоска очкан, гомуми дәвамлылыгы 550 тәүлеккә якын, җиде тапкыр ачык космоска чыккан.
Рафаил Фәрвәз улы Мортазин – «Энергия» ракета-космос корпорациясенең баллистика бүлеге башлыгы, «Энергия» НПО космонавтлар отрядына сайлап алуда катнашучы, Россия транспорт корабльләренең МКС белән «тиз» тоташтыру схемасын башлап җибәрүчеләрнең һәм эшләүчеләрнең берсе.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез