Россия Хөкүмәте Рәисе урынбасары Виталий Савельев һәм Татарстан Рәисе Рөстәм Миңнеханов Казан елга портында булдылар, анда «Метеор 2020» проектының су асты канатларындагы ике яңа тизйөрешле пассажир судносын карадылар.
Суднолар Горький ис. Зеленодольск заводында җитештерелгән. 120 пассажирга исәпләнгән иркен салон уңайлы креслолар, wi-fi ярдәмендә мультимедиа контентына керү мөмкинлеге, багаж бүлеге, кул йөге өчен ябык киштәләр белән җиһазландырылган. Суднода шулай ук мөмкинлекләре чикләнгән пассажирлар йөртү өчен барлык шартлар да тудырылган. Судно машина бүлеге һәм арткы өлешендә багаж бүлеге, экипажның ял итү каюталары, каюткомпанияләре, пассажирларга хезмәт күрсәтү блогы, санузеллар белән җиһазландырылган.
РФ вице-премьерына хәбәр итүләренчә, «Метеор» тибындагы традицион суднолар белән чагыштырганда яңалары берничә өстенлеккә ия. Алар арасында диңгездә йөрүчәнлекнең артуы, дулкында хәрәкәт иткәндә артык йөкләнешләрнең һәм тизләнешләрнең кимүе, борын һәм арткы канатның уңай һөҗүм почмаклары хисабына суны читкә кую режимында канаттан төшеп китү проблемасының булмавы, шулай ук канатка чыгу вакыты һәм куәте азрак булу. «Метеор 2020" тизлеген сәгатенә 65 км га кадәр үстерергә мөмкин. Йөреш запасы - 700 км. Экипаж 4 кешедән тора.
Искәртәбез, элегрәк «Метеор 2020» тибындагы 2 тизйөрешле судно - «Михаил Девятаев» һәм «Муса Җәлил» файдалануга тапшырылган иде инде.
Аннары Виталий Савельев һәм Рөстәм Миңнеханов Горький ис. Зеленодольск заводында төзелгән «Капитан Чистополов» А217 проекты пассажир елга теплоходын карадылар. Салон 176 пассажирга исәпләнгән, йөзү ераклыгы - 400 км.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез