30 гыйнвар 2026 Яңалыклар

СИБУР 2025 елны производствода рекордлы күрсәткечләр белән төгәлләде

Түбән Каманың СИБУР предприятиесе 2025 елны производствода рекордлы күрсәткечләр белән төгәлләгән. Түбән Кама «Нефтехим» 3 миллион тонна продукция җитештергән. 2024 елгы күрсәткечтән 400 мең тоннага артыграк бу. Гомумән, әлеге сан заводның 60 еллык диярлек тарихында максималь күрсәткеч булып тора.

Елына 600 мең тонна егәрлектә яңа этилен комплексын файдалануга тапшыру, альтернатив катализаторларда эшләү хисабына технологик процессларның нәтиҗәсен яхшырту, синтетик каучукларны күбрәк җитештерә башлау үсешнең төп факторларына әйләнгән.

ЭП-600 Татарстанда Советлар Союзы чорыннан бирле нефть химиясе өлкәсендә иң зур инвестиция проекты булып тора. Үзенчәлеге – Россия базарын ташлап киткән вендорлардан һәм чит илләрнең лицензиарларыннан башка гына, фәкать СИБУРның белгечләре көче белән, аны файдалануга тапшыру.

Түбән Камада ЭП-600 нигезендә илебезнең базары өчен уникаль һәм ихтыяҗ зур булган продукция җитештерүгә юнәлдерелгән производство кластеры булдырыла. СИБУР белгечләре 2025 елның августында гексен производствосында тәүге продукция алуга ирешкән.

2025 елдан Түбән Камада стирол һәм полистирол производствосы төзелә.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис