Эссе көннәрдә организмга кыенга туры килә, күп кенә кешеләр, аеруча өлкәннәр зур уңайсызлыклар кичерә. Табиб-невролог Павел Хорошев “Радио1” хәбәрчесе белән әңгәмәсендә билгеле бер яшьтән соң кешегә эсселекне кичерүгә нәрсәләрнең ярдәм итүе турында сөйләп үткән.
“Организм өчен җылылыкны чыгарырга, ягъни бүленеп чыккан гаять зур күләмдәге җылылыкны утильләштерергә кирәк. Моның өчен, табиб белән киңәшләшеп, даруларны берникадәр яңарту, җилләткечтән файдаланып, бүлмә температурасын уңайлырак итү, күбрәк су эчү әйбәт булачак”, – дигән белгеч.
Җәйге чорда бәдрәфкә йөрү ешаерга мөмкин, чөнки организм тоздан, артык судан арынып, электролитларын югалта.
“Төнгә бер-ике сәдәф аспаркам эчәргә киңәш итәр идем. Ул магний һәм калий запасын тулыландыра. Аеруча юан кешеләрдә аритмияне кисәтү өчен кирәк бу”, – дигән табиб.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез