26 декабрь 2025 Яңалыклар

Татарстан депутатлары Лисичанск, Рубежноеда яшәүчеләргә ярдәмгә 1,6 млн сум акча җыйган

ТР Дәүләт Советы депутатлары һәм хезмәткәрләре махсус хәрби операциядә катнашучыларга һәм Татарстан карамагындагы Лисичанск һәм Рубежное шәһәрләре халкына ярдәм итү өчен быел 1,6 млн сум акча җыйган. Бу хакта журналистларга ТР Дәүләт Советы рәисе Фәрид Мөхәммәтшин йомгаклау матбугат конференциясендә хәбәр итте.

«Безнең карамактагы шәһәрләргә партия, депутат корпусы, җирле үзидарә органнары аша меңнән артык тонна гуманитар йөк җибәрелде, аларны безнең депутатлар, «Бердәм Россия» партиясе активы, район җитәкчеләре озатып йөрде», — диде ул.

Җыелган акчаның 1 млн сумнан артыгы Лисичанск һәм Рубежное балалары өчен гигиена чаралары, тәм-томнар, уенчыклар һәм киемнәр сатып алуга бирелгән. Моннан тыш, акчалар хәрби хезмәткәрләр өчен квадрокоптерлар, БПЛА детекторлары, дарулар һәм дизель генераторы сатып алуга тотылган.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис