21 ноябрь 2025 Яңалыклар

Татарстан муниципаль берәмлекләренең съезды 18 декабрьдә узачак

Татарстан муниципаль берәмлекләренең ХХ съезды 18 декабрьдә узачак. Бу хакта карар бүген ТР Муниципаль берәмлекләре советы президиумы утырышында кабул ителде, дип хәбәр итә оешманың матбугат хезмәтенә сылтама белән «Татар-информ».

Президиум утырышында совет рәисе Әгъзам Гобәйдуллин, ТР Рәисе администрациясе җитәкчесе Әсгать Сәфәров, ТРның беренче вице-премьеры Рөстәм Нигъмәтуллин, ТР Дәүләт Советы вәкилләре катнашты.

Татарстан муниципалитетлары съезды – республика эчендәге иң зур һәм масштаблы сәяси вакыйгаларның берсе. Форум эшендә 1360 делегат һәм чакырылган кунак катнашачак.

Съездда катнашучылар арасында 956 муниципаль берәмлек башлыклары, республика дәүләт хакимияте органнары вәкилләре, җирле совет депутатлары – махсус хәрби операция катнашучылары, җирле үзидарә ветераннары һәм иҗтимагый оешмалар җитәкчеләре булачак.

Съездда даими рәвештә ТР рәисе Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, министрлар һәм республика ведомстволары җитәкчеләре, РФ Федераль Җыенының Татарстаннан депутатлары катнаша.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов,