28 апрель 2026 Яңалыклар

Татарстан тимер юлларында 27 кешенең гомере өзелгән

2025 елда Татарстан тимер юллардагы һәлакәтләр нәтиҗәсендә 29 кеше зыян күргән, шуларның 27се – үлгән.

Һәлак булучылар арасында биш бала да. Мондый мәгълүматларны юл хәрәкәте куркынычсызлыгы буенча комиссия утырышында әйттеләр.

Моннан тыш, 2026 елның беренче кварталында тимер юллардагы юл-транспорт һәлакәтендә биш кеше зыян күрүе теркәлгән. Зыян күрүчеләрнең өчесе һәлак булган.

Шулай ук комиссия утырышында юл-транспорт һәлакәтенең артуы теркәлүен билгеләп үттеләр. Әйтик, 2025 елның беренче кварталында ике һәлакәт булган, анда бер кешенең гомере өзелгән. Ә 2026 елның беренче кварталында өч авария булган, аларда, бәхеткә, корбаннар булмаган.

БЕЗНЕҢ МАКС КАНАЛЫНА ЯЗЫЛЫГЫЗ!