Татарстанда 400 меңгә якын кеше күз авыруларыннан интегә

Татарстанда 400 меңгә якын кеше күз авыруларыннан интегә. Республика клиник офтальмология хастаханәсе табибы Ольга Зверева сүзләренә караганда, иң күп таралган чирләр – ерактан яки якыннан начар күрү, астигматизм. Республикада 185,5 мең кеше шундый диагноз белән яши.

Белгеч узган елгы мәгълүматларга таянып әйткәнчә, 57830 кешедә – катаракта, 12,5 мең кешедә – күзнең челтәр катлавы үзгәрү (зәгыйфьләнүне кертеп), 18,5 мең кешедә күзгә шикәр чире зыян салу күзәтелә. 36 мең кеше глаукомадан җәфалана.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!